Lefel 2 Gofal, Chwarae, Dysgu, a Datblygiad Plant: Craidd

Mae'r cymhwyster yn ymdrin â gwybodaeth a dealltwriaeth sylfaenol o'r Fframwaith Sefydlu Cymru Gyfan newydd ar gyfer y Blynyddoedd Cynnar a Gofal Plant, ac mae'n adlewyrchu amrywiaeth o wahanol rolau ac oedrannau.

Mae cwblhau'r cymhwyster hwn yn galluogi dysgwyr i:

• feithrin eu gwybodaeth a'u dealltwriaeth o'r egwyddorion a'r gwerthoedd craidd sy'n sail i ymarfer gofal, chwarae, dysgu a datblygiad plant
• meithrin eu gwybodaeth a dealltwriaeth o ffyrdd o weithio yn y sectorau gofal, chwarae, dysgu a datblygiad plant
• meithrin gwybodaeth a dealltwriaeth sy'n llywio ymarfer effeithiol yn y maes gofal, chwarae, dysgu a datblygiad plant
• bod â gwybodaeth a dealltwriaeth sy'n greiddiol i'w cefnogi wrth symud ymlaen i astudio ymhellach neu i gael gwaith yn y maes gofal, chwarae, dysgu a datblygiad plant.

Strwythur y cymhwyster

Mae'r cymhwyster Lefel 2 Gofal, Chwarae, Dysgu a Datblygiad Plant: Craidd yn gymhwyster llinol sy'n cynnwys y pum uned orfodol ganlynol:

Asesu

I gyflawni'r cymhwyster Lefel 2 Gofal, Chwarae, Dysgu a Datblygiad Plant: Ymarfer a Theori, rhaid i ymgeiswyr lwyddo mewn un prawf dewis lluosog wedi'i osod yn allanol a'i farcio'n allanol.

Mae'r prawf yn asesu cynnwys o'r 5 uned.

Mae'r cymhwyster hwn yn cefnogi dysgwyr i symud ymlaen i ennill cymwysterau pellach gan gynnwys y cymwysterau canlynol sy'n rhan o'r gyfres o gymwysterau Iechyd a Gofal Cymdeithasol, a Gofal Plant i Gymru.

• Lefel 2 Gofal, Chwarae, Dysgu a Datblygiad Plant: Ymarfer
• Lefel 2 Gofal, Chwarae, Dysgu a Datblygiad Plant: Ymarfer a Theori
• Lefel 3 Gofal, Chwarae, Dysgu a Datblygiad Plant: Ymarfer
• Lefel 3 Gofal, Chwarae, Dysgu a Datblygiad Plant: Ymarfer a Theori

Mae'r cymhwyster hefyd yn cefnogi cyfleoedd cyflogaeth.  Fodd bynnag, dylid nodi:

Mae'n ofynnol i Gofal Cymdeithasol Cymru restru'r cymwysterau y bydd eu angen ar unigolyn sy'n gweithio yn y sector gofal, chwarae, dysgu a datblygiad plant.  Un o'r gofynion fydd ar y rhestr hon yw bod y rheiny sy'n gweithio yn y sector gofal, chwarae, dysgu a datblygiad plant yn meddu ar y cymhwyster Lefel 2 Gofal, Chwarae, Dysgu a Datblygiad Plant: Craidd a chymhwyster ymarfer sy'n berthnasol i'r rôl. Am ragor o wybodaeth am ofynion gweithio yn y sector Gofal, Chwarae, Dysgu a Datblygiad Plant, gweler fframwaith cymwysterau Gofal Cymdeithasol Cymru ar gyfer gofal cymdeithasol a gofal plant wedi'i reoleiddio yng Nghymru https://gofalcymdeithasol.cymru/adnoddau/fframwaith-cymwysterau-ar-gyfer-y-sector-gofal-cymdeithasol-yng-nghymru.

Hefyd, bydd angen i'r rheiny sy'n gweithio mewn lleoliadau gofal plant wedi'u rheoleiddio gyda phlant 8-12 oed ennill cymhwyster gwaith chwarae ychwanegol a enwir gan Skills Active i fodloni gofynion y rheoleiddwyr.