Lefel 2 Gofal, Chwarae, Dysgu, a Datblygiad Plant: Ymarfer

Mae’r cymhwyster wedi ei selio ar ymarfer ac yn asesu gwybodaeth y dysgwyr a chymhwysedd i ymarfer mewn cyflogaeth.

Mae’r cymhwyster yn bennaf ar gyfer y rhai sy’n gweithio mewn lleoliadau gofal plant rheoledig ar gyfer teuluoedd a phlant dan 8 oed a gwasanaethau plant GIG ar gyfer y rhai sy’n gweithio gyda theuluoedd a phlant oed 0-19.

Mae wedi ei greu ar gyfer dysgwyr sydd mewn dysgu seiliedig ar waith. Bydd y cymhwyster yn asesu gwybodaeth ac ymarfer y dysgwyr yn eu gwaith ac yn gallu dangos eu bod yn gallu:

• deall, ac ymroi yn ymarferol, egwyddorion a gwerthoedd sydd wrth wraidd gofal, chwarae, dysgu a datblygiad plant
• deall, ac ymroi yn ymarferol, dulliau plentyn canolog mewn gofal, chwarae, dysgu a datblygiad plant
• gwneud cyfraniad positif i’r sector gofal, chwarae, dysgu a datblygiad plant trwy ymarfer ei hun
• adlewyrchu ar ymarfer i wella trwy’r amser
• deall rolau swyddi a swyddogaethau o fewn y sector gofal, chwarae, dysgu a datblygiad plant
• defnyddio llythrenedd, rhifedd a sgiliau cymhwysedd digidol fel sy’n briodol o fewn y rôl

Mae cynnwys hanfodol y cymhwyster yn ymochrol â’r Fframwaith Sefydlu Cymru Gyfan ar gyfer y Blynyddoedd Cynnar a Gofal Plant ac yn canolbwyntio’n ymarferol ar blant sydd dan 8 oed ac sydd wedi ei gefnogi gan wybodaeth a dealltwriaeth o ddatblygiad plant fyny at oedran 18 oed.

Mae’r testunau canlynol yn ymddangos fel rhai hanfodol:

• egwyddorion a gwerthoedd
• diogelu
• iechyd a diogelwch
• iechyd, lles, dysgu a datblygiad
• ymarfer broffesiynol

Mae’r cymhwyster yn cynnwys unedau hanfodol ac opsiynol. Mae’r unedau hanfodol yn darparu gwybodaeth, dealltwriaeth a sgiliau angenrheidiol er mwyn gallu ymateb i ofynion plant fyny at 8 oed.

Mae’r unedau opsiynol yn galluogi dysgwyr i ganolbwyntio ar eu dysgu a’u sgiliau ddatblygu ar gyfer meysydd allweddol o ddiddordeb sy’n berthnasol i anghenion plant, gan gynnwys trochi ieithyddol a dulliau positif ar gyfer cymorth ymddygiad.

Mae amrywiaeth o unedau gofal iechyd wedi eu cynnwys i adlewyrchu anghenion cymhleth rhai o blant sy’n derbyn gwasanaethau yn y gymuned.

I gwblhau’r cymhwyster Lefel 2 Gofal, Chwarae, Dysgu a Datblygiad Plant mae dysgwyr angen cyflawni isafswm o 35 credyd:

• 25 credyd angen eu cwblhau o’r grwp hanfodol
• Isafswm o 10 credyd angen eu dewis o’r gyfres o unedau opsiynol

Mae dysgwyr angen cwblhau:

• Tasgau sydd wedi eu llunio’n allanol a’u marcio’n fewnol
• portffolio o dystiolaeth
• trafodaeth gyda’i aseswr

Wrth gwblhau’r cymhwyster Lefel 2 Gofal, Chwarae, Dysgu a Datblygiad Plant yn galluogi dysgwyr i weithio fel gweithiwr Lefel 2 cymwysedig mewn modd dan oruchwyliaeth. Mae’r cymhwyster hefyd yn paratoi dysgwyr i symud ymlaen at:

• addysg bellach
• Lefel 3 Gofal, Chwarae, Dysgu a Datblygiad Plant: Ymarfer
• Lefel 3 Gofal, Chwarae, Dysgu a Datblygiad Plant: Ymarfer a Theori
• Lefel 3 Iechyd a Gofal Cymdeithasol: Ymarfer (Plant a Phobl Ifanc)
• Lefel 4 Paratoi am Arweinyddiaeth a Rheolaeth mewn Gofal, Chwarae, Dysgu a Datblygiad Plant
• Lefel 4 Ymarfer Broffesiynol mewn Gofal, Chwarae, Dysgu a Datblygiad Plant

Mae dysgwyr angen cyflawni unrhyw ofynion sy’n gysylltiedig ag oedran a phrofiad cyn gallu symud ymlaen at rai rolau arweinyddiaeth yn y sector.