Bwriad y canllaw yma yw helpu rheolwyr gweithwyr nos gofal preswyl plant i gefnogi’r rhai sy’n astudio’r cymhwyster Lefel 3 Iechyd a Gofal Cymdeithasol: Ymarfer (Plant a Phobl Ifanc)’ Mae’r cymhwyster Lefel 3 Iechyd a Gofal Cymdeithasol: Ymarfer (Plant a Phobl Ifanc) wedi’i gynllunio ar gyfer unigolion sy’n gweithio mewn lleoliadau iechyd a gofal cymdeithasol. Bydd y cymhwyster hwn yn datblygu eu gallu i gefnogi anghenion iechyd a gofal plant a phobl ifanc yn ymarferol mewn amrywiaeth o leoliadau. Mae’n seiliedig ar ymarfer ac yn asesu gwybodaeth ac ymarfer drwy waith yn y lleoliad gwaith. Mae’r canllaw yn dangos rheolwyr sut: i helpu gweithwyr i ddewis yr unedau mwyaf priodol; gall gweithwyr gyflawni'r credydau sydd eu hangen; gall gweithwyr fodloni'r meini prawf; asesir y cymhwyster; gallant gefnogi’r dysgwr.